Ötən gün I Avropa Oyunları yarışlarında indiyə kimi ən çox tamaşaçı iştirak edib. Bunu dünən mətbuat konfransı zamanı “Bakı-2015” Avropa Oyunları Əməliyyat Komitəsinin əməliyyatlar üzrə baş icraçı direktoru Saymon Kleq deyib.

S. Kleq bildirib ki, tamaşaçıların əksər hissəsi Milli Gimnastika Arenasında yarışları izləyib: “İyunun 17-də açılış günündən indiyə kimi ən çox tamaşaçının iştirak etdiyi yarışlar keçirilib. 32100 tamaşaçı 10 müxtəlif məkanda 19 idman oyununu izləyib”.

S.Kleq həmçinin qeyd edib ki, biletlərin satışından və yarışların davamiyyət səviyyəsindən çox razıdır.