“Bakı-2015" ilk Avropa Oyunlarının 4-cü yarış günündə bürünc medal qazanan belaruslu qadın güləşçi Veronika İvanova çıxışı və Oyunların təşkilatçılığı barədə təəssüratlarını bölüşüb.

Trend-in məlumatına görə, 60 kq çəki dərəcəsində Avropa Oyunlarının bürünc mükafatçısı Belarusun CTV kanalına müsahibəsində Bakının bu mötəbər idman yarışına yüksək səviyyədə ev sahibliyi etdiyini vurğulayıb:  “Bizə dəstək olan və alqışlayan hər kəsə təşəkkürümü bildirirəm. Təşkilatçılığa görə minnətdaram. Hər şey yüksək səviyyədədir. Bacarığımızı nümayiş etdirmək üçün gözəl imkan idi.”