“I Avropa Oyunları beynəlxalq standartlara uyğun keçiriləcək. Mən inanıram və ümid edirəm ki, bu mərasim bütün azərbaycanlılara xüsusi fəxarət hissi yaşadacaq. Azərbaycan dünyada gənc, dinamik və irəliyə baxan bir ölkə kimi tanınacaq”.

 APA-nın xəbərinə görə, bunu I Avropa Oyunlarının Baş icraçı direktoru Saymon Kleq deyib.

 O bildirib ki, I Avropa Oyunları dünyanın müxtəlif ölkələrində yayımlanacaq: “Açılış mərasimində biz yüzlərlə idmançını salamlayacağıq. Bu idmançılar Avropa Olimpiya ailəsinin 50 ölkəsini təmsil edirlər. 50 min azarkeş Olimpiya stadionuna toplaşacaq. I Avropa Oyunları Şimali Amerikadan başlayaraq Cənubi Amerikaya, Çindən Yeni Zelandiya, Avstraliyaya, Yaponiyadan Hindistana qədər bütün ölkələrdə yayımlanacaq. Biz əlimizdən gələni etdik ki, idmanla əlaqədar məlumatlandırma Azərbaycanın bütün regionlarını əhatə etsin. Məşəli bütün ölkədə səyahət etdirməklə insanlarda olimpiya ruhunu yaratdıq”.