Avropa Oyunlarında iştirak edəcək altı min atletdən yüz əllisi Olimpiya mükafatçısıdır, iki yüzü isə dünya çempionudur. Bu, Avropa Oyunlarında iştirak edəcək idmançıların yüksək səviyyəsini əyani şəkildə nümayiş etdirir. Birinci Avropa Oyunları, sözün əsl mənasında, baxımlı hadisə olacaq. Yarışlar dünyanın ən yaxşı arenalarında keçiriləcək.

Fəxr edirəm ki, idmanın 12 növü üzrə I Avropa Oyunlarının yarışlarında iştirak edəcək idmançılar 2016-cı il Rio-de-Janeyro Olimpiya Oyunlarında iştirak etmək üçün kvalifikasiya olacaqlar.