“Bakı-2015” birinci Avropa Oyunlarının çox möhtəşəm idman hadisəsi olduğunu təsdiq edən daha bir fakt: Yay Olimpiya Oyunlarında olduğu kimi, Azərbaycan paytaxtında da qitəmizin ilk və ən ali idman məclisi 17 gün davam edəcəkdir – iyunun 12-dən 18-dək.

Yaxın keçmişə nəzər salaq: 2008-ci ildə Pekin Olimpiadası avqustun 8-dən 24-dək, dörd il sonra Londonda XXX Yay Olimpiya Oyunları iyulun 27-dən avqustun 12-dək keçirilmişdir.

Gələn il Braziliyanın Rio-de-Janeyro şəhərində təşkil olunacaq XXXI Olimpiada isə avqustun 5-də starta çıxıb 21-də finişə çatacaq.

Göründüyü kimi, Avropa Oyunlarının müddəti dünya idmanında 1 nömrəli hadisə hesab edilən Yay Olimpiya Oyunları yarışlarının təqvimi ilə eynidir. Deməli, bir daha əmin oluruq ki, paytaxtımızda ilk Avropa Oyunları olimpiadalar səviyyəsində keçiriləcək.

Oqtay BAYRAMOV,
“Xalq qəzeti”