London Olimpiadası-2012-nin çempionu, Bakıda Avropa Oyunlarının səfiri, ötən il paytaxtımızda keçirilmiş Avropa çempionatının gümüş mükafatçısı, Böyük Britaniya komandasının üzvü, taekvondoçu Ceyd Cons (57 kq) “Bakı-2015" startlarından gözləntilərini aşağıdakı kimi ifadə etmişdir:

– “Mən bilirəm ki, Bakıda təkcə medallar yox, həm də tarixdə ilk Avropa Oyunlarının ilk qalibləri olmaq uğrunda mübarizədə çox kəskin rəqabət yaşanacaq. Şəxsən mənim üçün qələbə əla nailiyyət olardı və bu nailiyyəti müəyyən dərəcədə London Olimpiadasındakı qələbəmlə müqayisə edə bilərdim.

Etiraf edim ki, heç bilmirəm, Avropa Oyunlarından nə gözləmək lazımdır. Lakin bu Oyunların ilk Oyunlar olması faktının özü onun tarixə xüsusi bağlılığını təsdiq edir”.

Oqtay BAYRAMOV,
“Xalq qəzeti”