Vesti.Ru-nun yaydığı xəbərə görə, Rusiyanın idman naziri Vitali Mutko Bakıda keçiriləcək birinci Avropa Oyunları ilə əlaqədar öz komandasının məqsədləri haqqında danışıb.

Nazir deyib:

– Milli federasiyalar üçün bu mövsümdə əsas məqsəd Azərbaycan paytaxtında birinci Avropa Oyunlarında uğurla çıxış etməkdir. Biz pis  hazırlaşmamışıq, idmançılarımız seçmə yarışlarının sınaqlarından çıxmışlar. Ən yüksək səviyyədə çıxış  edəcəyik, komanda hazırdır. Oyunların iştirakçıları zəruri hər şeylə təmin edilmişlər.

V.Mutkonun bu fikrinə əlavə olaraq xatırladaq ki, Avropa Oyunlarında ən  böyük heyətlə  Rusiya komandası çıxış  edəcək. Onun şərəfini 360 idmançı qoruyacaq.