Avropa Oyunlarına hazırlığı səylə davam etdirən Azərbaycan komandasının triatlonçusu Kseniya Levkovskaya Dnepropetrovskda Ukraynanın açıq çempionatında gümüş medal qazanmışdır.

Xəzər sahillərində qitəmizin ilk Oyunları ərəfəsində Dnepr sahillərində beynəlxalq səviyyəli turnirdə ikinci yer böyük müvəffəqiyyətdir. Güman etmək olar ki, bu uğur Kseniyanın öz qüvvə və imkanlarına inamını bir qədər də artıracaq.

Ukraynanın açıq çempionatının azərbaycanlı mükafatçısı Avropa Oyunlarında mübarizə aparacaq triatlon komandamızda yeganə qadın idmançıdır.

Kişi triatlonçularımız isə Oyunlarda iki nəfərlə yarışacaqlar. Bunlar Rostislav Pevtsov və Aleksandr Yatsenkodur.

“Bakı-2015"-də triatlon yarışları iyunun 13-14-də Bilgəh çimərliyində keçiriləcəkdir.

Oqtay BAYRAMOV,
“Xalq qəzeti”