Türkiyə Taekvondo Federasiyasının prezidenti Metin Şahin CİHAN agentliyinə müsahibəsində deyib ki, 12-28 iyun tarixlərində Azərbaycanın paytaxtı Bakıda təşkil ediləcək birinci Avropa Oyunlarında ən yüksək nəticələr əldə etmək üçün idmançılar yarışlara böyük səylə hazırlaşırlar.

Federasiya rəhbəri Metin Şahin deyib: “Bakıda ilk dəfə təşkil olunan qitənin ən mötəbər idman yarışı, birinci Avropa Oyunlarına böyük həvəslə qatılırıq. İdmançılarımızın, beynəlxalq turnirlərdə əldə etdikləri uğurlar və topladıqları xallar “Bakı-2015” – ilk Avropa Oyunlarına qatılmağımız üçün  böyük kömək oldu. Bunun üçün də Avropa Oyunlarında ölkəmizi ən yüksək səviyyədə təmsil etmək istəyirik".

Elçin ABBASOV,
“Xalq qəzeti”