“Birinci Avropa Oyunlarında iştirakımı səbirsizliklə gözləyirəm. Bakıda medal qazanmaq istəyirəm”. Bu sözləri serbiyalı samboçu İvana Yandriç  deyib. 

Bakıda keçiriləcək ilk Avropa Oyunlarında uğur qazanmaq istəyən idmançı hədəflərini açıqlayıb. 68 kiloqram çəki dərəcəsində mübarizə aparacaq 21 yaşlı İ.Yandriç bildirib ki, yarışa tam hazırdır. O deyib: “Fəxr edirəm ki, ölkəmi belə bir mötəbər yarışda təmsil edəcəyəm. Bu Oyunların məsuliyyətini yaxşı dərk edirəm. Bakıda böyük uğur qazanmaq və Serbiyanı ləyaqətlə təmsil etmək istərdim”.

Qeyd edək ki, Yandriç son Avropa çempionatının bürünc mükafatçısıdır.

Elçin ABBASOV,
“Xalq qəzeti”