Xorvatiya Milli Olimpiya Komitəsi birinci Avropa Oyunlarında ölkənin şərəfini qoruyacaq 113 idmançının siyahısını açıqlayıb. Siyahıya London Olimpiadası-2012-nin bürünc mükafatçıları güllə atıcısı Sneyana Peyçiç və taekvondoçu Lusia Zaninoviç başçılıq edirlər. “Bakı-2015”-də komandanın bayraqdarı Peyçiç olacaq.

Xorvatiya təmsilçiləri Avropa Oyunlarında oxatma, avarçəkmə, dağ velosipedi, şosedə velosipedsürmə, suyatullanma, qılıncoynatma, idman gimnastikası, cüdo, karate, atıcılıq, üzgüçülük, stolüstü tennis, taekvondo, triatlon, voleybol, su polosu və güləş yarışlarında medallar uğrunda mübarizə aparacaqlar.

Oqtay BAYRAMOV,
“Xalq qəzeti”