İlk Avropa Oyunlarının keçirilməsi üçün Azərbaycanın seçilməsi ölkədə iqtisadi inkişafın olduğunu sübut edir. Bunu Trend-ə Bakıda səfərdə olan Rusiya Federasiyasının Həştərxan vilayəti hökumətinin sədri, vitse-qubernator Konstantin Markelov deyib.

Markelov qeyd edib ki, Azərbaycan I Avropa Oyunlarının təşkili üzrə böyük iş görüb: “Avropada heç də hər bir ölkə belə layihəni hazırda reallaşdıra bilməz. Bu Oyunlar tarixə düşəcək”.

K.Markelovun sözlərinə görə, Rusiya qarşıdakı I Avropa Oyunlarına hazırlıq işlərini izləyir: “Ümid edirəm ki, Rusiya nümayəndə heyəti Oyunlarda ən geniş tərkibli olacaq. Oyunların açılışında Rusiya Prezidenti Vladimir Putin və Həştərxan vilayətinin qubernatoru Aleksandr Jilkin də iştirak edəcəklər”.