Hər şeydən göründüyü kimi, Rusiyanın suyatullanma üzrə yığma komandası Bakıya yüksək iddialarla gələcək. Komandanın baş məşqçisi Oleq Zaytsev bildirib ki, onun yetirmələrinin qarşısına Avropa Oyunlarında beş medal qazanmaq vəzifəsi qoyulub.

Bu barədə Rusiya Olimpiya Komitəsinin saytında yerləşdirilmiş xəbərdə həmçinin qeyd olunur ki, bu ölkənin suyatullanma ustaları Azərbyacan paytaxtından 2 qızıl, 1 gümüş və 2 bürünc mükafatla qayıtmağı planlaşdırırlar. Komanda Bakıya iyunun 13-də yola düşəcək.

Əlavə edək ki, paytaxtımızda birinci Avropa Oyunlarının suyatullanma yarışlarına iyunun 18-də start veriləcək, finiş isə iyunun 21-nə təyin edilmişdir.

Oqtay BAYRAMOV,
“Xalq qəzeti”