İtaliya Olimpiya Komitəsi Bakıda birinci Avropa Oyunlarında bu ölkənin şərəfini qoruyacaq milli komandanın heyətini təsdiq edib.

Siyahıya 295 idmançının adları daxil edilib. Onlardan beşi müxtəif illərdə Olimpiya Oyunlarının çempionu olub. Bunlar cüdoçu Culiya Kintavalle, güllə atıcıları Nikolo Kampriani, Cesiqa Rossi, Kyara Kaynero və kamandan oxatan Mauro Nespolidir.

İtalyanlar artıq “Bakı-2015”-in açılış mərasimində komandanın bayraqdarını da müəyyənləşdiriblər. Bu şərəfə tatami ustası Culiya Kintavalle layiq görülüb.

Oqtay BAYRAMOV,
“Xalq qəzeti”