Böyük Britaniyanın kişilərdən ibarət boks komandasının üzvü,  gənc idmançı Məhəmməd Əliyə Bakıda keçiriləcək birinci Avropa Oyunlarında böyük ümidlər bəslənilir.

Bu barədə Böyük Britaniyanın “Bury Times” qəzeti yazıb. Boksçunun məşqçisi Mik Jelley bildirib ki, onunla fəxr etməklə yanaşı, həm də həyəcan keçirir. Bakıda keçiriləcək birinci Avropa Oyunlarına toxunan məşqçi gənc idmançının burada uğur qazanmasını vacib hesab edir. “Onun əsas məqsədi Rioda keçiriləcək Olimpiya Oyunlarına hazırlaşmaqdır.”-deyə o, açıqlamasında bildirib.

Qeyd edək ki, Məhəmməd Əli 2014-cü ildə yeniyetmələr arasında keçirilmiş Olimpiya Oyunlarının bürünc medalçısıdır.

Əfsanə BAYRAMQIZI,
“Xalq qəzeti”