Birinci Avropa Oyunlarının təşkilinin gənc, müstəqil dövlət olan Azərbaycana etibar edilməsi  onun beynəlxalq aləmdə yüksək reytinqinin göstəricisidir.

İnanıram ki, Azərbaycan bu oyunlara da yüksək səviyyədə ev sahibliyi edəcək. Bu sözləri “Xalq qəzeti”nə açıqlamasında Üçüncü Ümumdünya Mədəniyyətlərarası Dialoq Forumunda iştirak etmiş Kamboca mədəniyyət və incəsənət nazirinin müavini Ek Buntha  söylədi.

Qonaq həmçinin ilk Avropa Oyunlarına hazırlığın yüksək səviyyədə getdiyini vurğuladı: “Azərbaycan qonaqpərvər ölkədir. Düzdür, Kamboca Asiya qitəsində yerləşdiyinə görə, Asiya Oyunlarında iştirak edir və hazırda  o da Asiya Oyunlarına ev sahibliyi etməyə iddialıdır. Qeyd edim ki, azərbaycanlılar çox mehriban və qonaqpərvərdirlər. Bunun mən hər yerdə, hətta taksidə də şahidi oldum.  Azərbaycanın birinci Avropa Oyunlarını yüksək səviyyədə keçirməsi üçün bütün şəraiti və imkanları var. İnanıram ki, Avropa Oyunları uğurlu olacaq.”

Əfsanə BAYRAMQIZI,
“Xalq qəzeti”