“Bakı-2015” birinci Avropa Oyunlarının bədii gimnastika turnirində Azərbaycanı təmsil edəcək heyət müəyyənləşib.

Şəxsi yarışlarda Oyunların medalları uğrunda bu yaxınlarda Minskdə keçirilmiş Avropa çempionatında lentlə hərəkətlərdə bürünc mükafat qazanmış yığmamızın lideri Marina Durunda və perspektivli idmançı Ayşən Bayramova mübarizə aparacaqlar. Ayşən də Belarus Respublikasının paytaxtında qitə birinciliyinin iştirakçısı olmuşdur.

Bu iki gimnastla yanaşı, Azərbaycanın qrup hərəkətləri komandası da qarşıdakı startlara səylə hazırlaşır.

Hər cür şəraiti xarici ölkələrin mütəxəssisləri tərəfindən yüksək qiymətləndirilən Milli Gimnastika Arenasında bədii gimnastların yarışları iyunun 17-də başlanıb 21-də finişə çatacaq.

Oqtay BAYRAMOV,
“Xalq qəzeti”