Portuqaliya Kanoe Federasiyasının vitse-prezidenti Rikardu Maşadu bildirib ki, iyunun 12-dən 28-dək Bakıda keçiriləcək ilk Avropa Oyunları avqustda təşkil olunacaq Olimpiya təsnifat yarışlarına hazırlaşmaqda onların komandası üçün yaxşı imkan olacaq.

Bu barədə Portuqaliya mətbuatının yaydığı xəbərdə Maşadunun aşağıdakı fikri yer alıb: Bakıda Oyunlar bizim üçün yaxşı təcrübə olacaq. Belə ki, bu yarış tarixdə ilk dəfə keçiriləcək. Ona görə də rəqabət çox yüksək olacaq. Üstəlik də,  bu, ilin əsas hadisəsi-Olimpiya təsnifat yarışları qarşısında bizim üçün son sınaqdır.

Xatırladaq ki, Avropa Oyunlarında avarçəkmə yarışları Mingəçevirdə, “Kür” bazasında keçiriləcəkdir.

Oqtay BAYRAMOV,
“Xalq qəzeti”