Futzal üzrə Azərbaycan çempionu Naxçıvanın "Araz" komandası Rumıniyada keçirilən UEFA kuboku yarışlarının əsas seçmə mərhələsində ikinci qələbəsini qazanmışdır. Birinci oyunda İrlandiyanın "Sportinq Finqal" klubuna qalib gələn (7:4) "Araz" bu dəfə Latviyanın "Nikars" komandasını daha böyük üstünlüklə məğlubiyyətə uğratmışdır - 7:2.
Meydan sahibi rolunda çıxış edən "Tirqu Mureş" də keçirdiyi hər iki görüşdən qalib ayrılaraq Azərbaycan təmsilçisi kimi 6 xal toplamışdır. "Araz" və rumınlar 3-cü qrupda ilk iki yeri artıq özlərinə təmin etmişlər. Qrupun qalibi bu gün liderlər arasında keçiriləcək görüşdə müəyyənləşəcəkdir.

O.BAYRAMOV, "Xalq qəzeti"