Qadın voleybol komandaları arasında Superliqa turnirində daha bir oyun keçirilmiş (“Rabitə”-"Lokomotiv"-3:1) və bütün yarımfinalçılar məlum olmuşdur.

Medallar uğrunda mübarizəni ilk dörd yeri tutan “Rabitə (42 xal), ”Azəryol", “Lokomotiv” (hərəyə 32 xal) və “Azərreyl” (10) davam etdirəcəklər. Yarımfinal görüşləri Quba Olimpiya Kompleksində keçiriləcəkdir. Bu mərhələdə “Rabitə” voleybolçuları “Azərreyl” ilə qarşılaşacaq, “Azəryol” isə “Lokomotiv”lə görüşəcək.

Yarımfinalların qalibləri Bakıda təşkil olunacaq final görüşləri seriyasında ölkə çempionunu müəyyənləşdirəcək, məğlublar isə bürünc medalların taleyini öz xeyirlərinə həll etməyə çalışacaqlar.

Oqtay BAYRAMOV,
“Xalq qəzeti”