Futbol üzrə Azərbaycan kuboku yarışlarının dörddəbir final mərhələsinin ilk oyunlarından sonra “Qarabağ” və “Simurq” yarımfinal məsələsini, demək olar, öz xeyirlərinə həll etmişlər.

Ağdam klubunun  “Bakı”nın qapısından üç cavabsız top keçirməsi (3:0), “Simurq”un isə Qəbələdə eyniadlı yerli komandanı həmin hesabla məğlubiyyətə uğratması özlərinə yaxşı top ehtiyatı yaradan qalibləri finalın astanasında görəcəyimizə elə bir şübhə yeri qoymur.

“İnter” də “Xəzər-Lənkəran” üzərində kifayət qədər inamlı qələbə qazanmışdır-2:0. Lakin bu rəqibləri Lənkəranda daha gərgin mübarizə gözləyir. “Neftçi” və AZAL komandalarının bir-birinin qapısına yol tapa bilməmələri (0:0) isə onların ikinci görüşünə marağı daha da artıracaq.

Bütün yarımfinalçılar martın 13-nə təyin edilmiş dörddəbir finalın cavab görüşlərindən sonra qəti məlum olacaq.

 Oqtay BAYRAMOV,
“Xalq qəzeti”