Tbilisidə davam edən FİDE “Qran-pri”sində dünən altıncı turun görüşləri oynanılmışdır. Teymur Rəcəbov rusiyalı Aleksandr Qrişuku artıq 24-cü gedişdə məğlubiyyətlə razılaşmağa məcbur etmişdir. Bu, qrossmeysterimizin Gürcüstan paytaxtında ardıcıl beş heç-heçədən sonra ilk qələbəsidir.

Digər təmsilçimiz Şəhriyar Məmmədyarov isə Dmitri Yakovenko (Rusiya) ilə heç-heçə oynamışdır.

Altı turdan sonra Rəcəbovun 3,5 xalı var, Məmmədyarov isə 3 xal toplamışdır.

Bu gün keçiriləcək yeddinci turda Teymur özbəkistanlı Rüstəm Qasımcanovla görüşəcək, Şəhriyar isə Qrişuka qarşı oynayacaq.

Oqtay BAYRAMOV,
“Xalq qəzeti”