Azərbaycanın 1997-ci il təvəllüdlü futbolçulardan ibarət yığma komandası Rusiyanın Sankt-Peterburq şəhərində FİFA-nın birinci vitse-prezidenti Valentin Qranatkinin xatirəsinə həsr edilən ənənəvi beynəlxalq turnirdə çıxışlarını beşinci yerdə başa vurmuşdur.

Gənc futbolçularımız Peterburqski İdman-Konsert Kompleksində keçirilən sonuncu görüşdə Belarus komandası ilə qarşılaşmış və gərgin oyunda çətin qələbə qazanmışlar. Görüş 1:1 hesabı ilə başa çatdığından qalibi 11 metrlik zərbələr seriyasının köməyi ilə müəyyənləşdirmək lazım gəlmişdir. Azərbaycan yığması penaltiləri daha dəqiq yerinə yetirmişdir -5:4.

Əgər xatirə  turnirinin mükafatları uğrunda 18 komandanın mübarizə apardığını nəzərə alsaq, Azərbaycan kollektivinin tutduğu beşinci yeri yaxşı nəticə hesab edə bilərik.

Oqtay BAYRAMOV,
“Xalq qəzeti”