İyun ayında Bakıda keçiriləcək birinci Avropa Oyunlarının çimərlik voleybolu yarışlarında iştirakçı ölkələrin neçə cütlüklə mübarizə aparacağı artıq məlumdur. Azərbaycan həm kişilərin, həm də qadınların turnirində iki cütlüklə təmsil olunacaq.

Kişilərin yarışında ölkəmizlə yanaşı, Avstriya, Fransa, Almaniya, İsveçrə, İspaniya, İtaliya, Latviya, Norveç, Hollandiya, Polşa və Rusiya da iki heyətlə çıxış edəcəklər. Danimarka, Estoniya, Yunanıstan, İsrail, Belarus, Böyük Britaniya, Türkiyə və Çexiya isə bir cütlüklə yarışacaqlar.

Qadınların turnirində çimərlik voleybolu həvəskarları Azərbaycan kimi, Avstriya, Fransa, Almaniya, İsveçrə, İspaniya, İtaliya, Norveç, Hollandiya, Polşa, Rusiya, İsveç, Çexiya və Finlandiyanın hərəsindən iki cütlüyün oyunlarını izləyəcəklər. Yunanıstan, Litva, Ukrayna və Slovakiya isə bir cütlüklə təmsil olunacaqlar.

Oqtay BAYRAMOV, 
“Xalq qəzeti”