Gürcüstanın Batumi şəhərində 8-18 yaşlı oğlan və qızlar arasında şahmat üzrə Avropa çempionatına start verilmişdir. Qitə birinciliyinin mükafatları uğrunda Azərbaycan şahmat məktəbinin yetirmələri də mübarizə aparırlar.
Gənc həmyerlilərimiz müxtəlif yaş qruplarında Gürcüstan, Türkiyə, Bolqarıstan, Yunanıstan, İtaliya, İsrail, Ukrayna və s. ölkələrdən olan yaşıdları ilə görüşlərdə yüksək nəticələr göstərib medal qazanmağa çalışacaqlar. Doqquz turdan ibarət yarışın qalib və mükafatçıları sentyabrın 28-də məlum olacaq. Birinci turun görüşləri isə dünən keçirilmişdir.

O.BAYRAMOV, "Xalq qəzeti"