Sentyabrın 20-dən 26-dək Serbiyanın Belqrad şəhərində Kikboksinqin WAKO versiyası üzrə gənclər və yeniyetmələr arasında dünya çempionatı keçiriləcək.
Məşqçilər Hikmət Hacıyev və Rahim Allahverdiyev başçılıq etdiyi yığmanın heyətinə 29 idmançı, o cümlədən ötən il WAKO Avropa və WPKA dünya çempionu, 63 kq çəki dərəcəsində yarışacaq Ramil Həsənov və 2009-cu il WAKO Avropa çempionatının finalçısı 42 kq Ruslan Musayev də daxildir.
Qeyd edək ki, yığmamız hazırlığa 2 ay əvvəl start verib. Komandamız DİN-nin "Dinamo" İdman Cəmiyyətində məşq edib. Yığmamız yarışda Azərbaycan Kikboksinq Federasiyasının vitse-prezidenti Güloğlan Cabbarov və millinin rəisi Sadıx Bağırovun rəhbərliyi altında çıxış edəcəklər. Komandamız artıq Belqrad şəhərinə yola düşüb.