Biləsuvar rayon Gənclər və İdman İdarəsinin təşkilatçılığı ilə ümumtəhsil məktəbləri arasında voleybol üzrə rayon birinciliyi başlanıb. 

Rayondakı Olimpiya İdman Kompleksində keçirilən  açılış mərasimində  gənclər və idman idarəsinin rəisi Aqşin Bağırov, təhsil şöbəsinin müdiri Balaqardaş Kazımov, rayonda yaradılmış voleybol idman klubunun rəhbəri, maliyyə idarəsinin rəisi Eldar Təhməzov çıxış edərək bildiriblər ki, Azərbaycan Respublikasının Prezidenti cənab İlham Əliyevin idmana göstərdiyi xüsisi diqqət və qayğı bu gün Biləsuvarın da idman həyatında hiss olunur. Ölkəmizdə idmanın inkişafında böyük rol oynayan dövlət proqramları həyata keçirilir, idmanın gənclər arasında kütləviliyi gündən-günə artır. Bu gün  başlanan yarışın da əsas məqsədi gəncləri idmana cəlb etmək, voleybol  üzrə rayonun yığma komandasını formalaşdırmaqdır.

Dövlət himni səsləndirildikdən sonra yarışlara start verilib. 24 ümumtəhsil məktəbi komandalarının qatıldığı yarışlar 7 gün davam edəcək və qaliblər mükafatlandırılacaq.

Əli NƏCƏFXANLI,
“Xalq qəzeti”nin
bölgə müxbiri