İngiltərənin “Çelsi” klubunun qapıçısı Peter Çex karyerasını İtaliyanın “Roma” komandasında davam etdirə bilər. Məlumata görə, paytaxt təmsilçisinin rəhbərliyi çexiyalı əlcək sahibini Morqan de Sanktisin əvəzinə əsas heyətə qatmaq istəyir. Bildirilir ki, qış transfer mövsümünə kimi razılıq əldə edilsə, yanvar ayından sonra çex “Roma”nın uğurları üçün çalışacaq.

Qeyd edək ki, bir müddət əvvəl Çexin digər İtaliya təmsilçisi - “Milan”a keçəcəyi barədə xəbərlər yayılmışdı.

Məlumatı “Footbolhd.ru” yayıb.

Hazırladı: Elçin ABBASOV,
“Xalq qəzeti”