Azərbaycan milli komandası futbolçularının Avropa çempionatı-2016-nın seçmə yarışları çərçivəsində sabah Norveç yığması ilə keçirəcəkləri görüşü Yevgeni Aranovskinin başçılığı ilə ukraynalı hakimlər briqadası idarə edəcəkdir.

Bu oyun hər iki rəqib üçün  seçmə sınaqlarının 2014-cü il təqvimində sonuncu, dördüncü görüş olacaq. Lakin komandalarda əhval-ruhiyyə tamamilə fərqlidir.  Əgər Azərbaycan futbolçuları hər üç görüşdə uduzmuşlarsa, norveçlilərin hesabında artıq 6 xal var.

“Bakcell Arena”da keçiriləcək Azərbaycan-Norveç görüşü saat 21-də başlanacaq. Bu komandaların çıxış etdikləri “H” qrupunda sabah həmçinin İtaliya-Xorvatiya və Bolqarıstan-Malta matçları keçiriləcəkdir.

Oqtay BAYRAMOV,

“Xalq qəzeti”