Bir həftə ərzində Moskvada keçirilmiş güləş üzrə dünya çempionatının yekunları hələ çox müzakirə ediləcək, komandaların çıxışları onların təmsil etdikləri federasiyalar tərəfindən geniş təhlil olunacaqdır. Nəticələr isə təbii ki, heç də hamının ürəyindən olmamışdır.
Yunan-Roma, qadın güləşi və sərbəst güləş yarışlarının ümumi yekununda komanda hesabında Rusiya idmançıları daha çox medal qazanmışlar. Onlar 16 mükafata (5 qızıl, 3 gümüş, 8 bürünc medal) sahib olmuşlar. İkinci yeri vətənlərinə 8 medalla qayıdan (3+2+3) Yaponiya təmsilçiləri tutmuşlar. Azərbaycan yığması mükafatların ümumi sayına görə yalnız bu iki ölkənin komandalarını özündən irəli buraxaraq üçüncü olmuşdur. Xatırladaq ki, "Olimpiyski" İdman Kompleksində güləşçilərimizə 7 medal - 2 qızıl, 2 gümüş və 3 bürünc mükafat təqdim olunmuşdur.

Oqtay BAYRAMOV, "Xalq qəzeti"{nl}