Azərbaycanın 17 yaşlı futbolçulardan ibarət yığma komandası Belçikanın Eisden şəhərində keçirilən Avropa çempinotının ilkin seçmə mərhələsinin son turunda Bosniya və Herseqovina kollektivinə uduzsa da (oyunun əsas vaxtı 1:1 hesabı ilə başa çatmış, penaltilər seriyasını isə rəqib komanda daha dəqiq yerinə yetirmişdir-4:3), qitə birinciliyinin növbəti mərhələsində mübarizəni davam etdirəcəkdir.

Bu turnirin qalibi belçikalılar olmuşlar. Bosniyalılar və Azərbaycan futbolçuları 4 xal toplamışlar. Finişə 3 xalla çatan İsveçrə yekun cədvəlində sonuncu, dördüncü yerdə qalmışdır. Bosniya və Herseqovina ilə görüşdə məğlubiyyətə baxmayaraq, yığmamız qruplarda üçüncü yeri ən yaxşı nəticə ilə tutan beş komandadan biri kimi ikinci mərhələyə vəsiqə qazanmışdır.

Oqtay BAYRAMOV,

“Xalq qəzeti”