Ölkəmizin 17 yaşlı futbolçulardan ibarət yığma komandası Belçikanın Eisden şəhərində keçirilən Avropa çempionatının ilkin seçmə mərhəlsinin startında turnir sahibləri belçikalılarla görüşdə məğlubiyyətdən (0:3) sonra İsveçrə kollektivi ilə matçda daha inamlı oyun nümayiş etdirərək

2:1 hesabı ilə qələbə qazanmışdır.

Dörd komandanın mübarizə apardığı turnirdə iki turdan sonra Belçika yığması 6 xalla vahid liderdir. Azərbaycan futbolçuları kimi Bosniya və Herseqovinanın da 3 xalı vardır. İsveçrə yığması isə hər iki görüşdə uduzmuşdur.

Turnirin son oyunları dünən axşam keçirilmişdir. Həmvətənlərimiz Bakı vaxtı ilə saat 22-də başlanan görüşdə Bosniya və Herseqovina komandası ilə qarşılaşmışlar.

Oqtay BAYRAMOV, “Xalq qəzeti”