Birləşmiş Güləş Təşkilatı (Beynəlxalq Güləş Federasiyası indi belə adlanır) sərbəst üsulla güləşənlərin növbəti reytinq cədvəlini açıqlamışdır. Azərbaycanın yeddi idmançısı siyahıda birinci onluqdadır.

Dünya çempionu Hacı Əliyev 61 kq çəki dərəcəsində çıxış edən güləşçilər arasında birincidir. Daha bir məşhur güləşçimiz Xetaq Qazyumov (97 kq) öz çəkisində ikinci mövqedə irəliləyir.

Digər təmsilçilərimizdən Həmzət Osmanov (86 kq) altıncı, Ruslan Dibirhacıyev (70 kq) yeddinci, Əhmədnəbi Qvarzatilov (57 kq) və Cəbrayıl Həsənov (74 kq) doqquzuncu, Əli İsayev (125 kq) onuncu pillələrdə yer almışlar.

Oqtay BAYRAMOV, “Xalq qəzeti”