Xəbər verdiyimiz kimi, Hindistanda 20 yaşlı oğlan və qızlar arasında şahmat üzrə dünya çempionatı keçirilir. Çempionatın onuncu turu Azərbaycan təmsilçiləri üçün  xüsusilə uğurlu olmuşdur.

Bu turda hər  üç şahmatçımız hindistanlı rəqiblərlə görüşlərdən qalib ayrılmışdır. Səbinə İbrahimova  daha bir qələbədən sonra xal ehtiyatını 6,5-ə çatdıraraq 40 iştirakçı arasında doqquzuncu pilləyə yüksəlmişdir. O, ikinci yerdə olan Ann Çumpitasdan (Peru) bir xal geri qalır.

Oğlanların çempionatında isə 130-dan çox rəqib yarışır. Burada Ülvi Bacarani 6,5, Nicat Abbasov 6 xal toplamışlar. Bu nəticələrlə onlar müvafiq surətdə 17-ci və 32-ci yerləri tuturlar.

On üç turdan ibarət dünya çempionatına oktyabrın 19-da yekun vurulacaqdır.

Oqtay BAYRAMOV, “Xalq qəzeti”