Azərbaycanın qadınlardan ibarət milli komandasının voleybolçuları İtaliyada keçirilən dünya çempionatında yaponiyalı rəqibləri üzərində qələbədən və Çin kollektivi ilə görüşdə məğlubiyyətdən sonra qrup mərhələsinin üçüncü turunda Puerto-Riko yığması ilə qarşılaşmışlar. Oyun 3:2 hesabı ilə komandamızın xeyrinə başa çatmışdır.

Üçüncü tura dünən axşam Kuba-Yaponiya və Belçika-Çin görüşləri ilə yekun vurulmuşdur.

Üç turdan sonra hesabında 4 xal olan Azərbaycan komandası qrupda ilk dörd yerdən birini tutub ikinci mərhələyə vəsiqə qazanmaq üçün yaxşı imkana malikdir. Voleybolçularımız növbəti, dördüncü görüşü sabah Belçika komandasına qarşı keçiriəcək, sentyabr 28-də isə kubalılara qalib gəlməyə çalışacaqlar. Bu oyunlar da Bakı vaxtı ilə saat 13.30-da başlanacaq.

Oqtay BAYRAMOV, “Xalq qəzeti”