Novxanı qəsəbəsində keçirilən bu ənənəvi beynəlxalq şahmat turniri Azərbaycan Respublikasının dövlət müstəqilliyinin 23-cü ildönümünə həsr olunmuşdur. Onun mükafatları uğrunda bir çox ölkənin 70 təmsilçisi, o cümlədən 28 qrossmeyster mübarizə aparır.

 İki turdan sonra doqquz iştirakçı, Azərbaycan şahmatçıları Namiq Quliyev, Nicat Məmmədov, Misrəddin İsgəndərov, rusiyalı Vladislav Artemyev, ukraynalılar Aleksandr Areşenko, Andrey Barişpolets, Oleq Romanişin, Ven Yan (Çin) və Aleksandr Donçenko (Almaniya) irəli çıxmışlar. Liderlər startda yüzfaizli nəticə göstərərək hərəyə 2 xal toplamışlar.

 İsveçrə sistemi üzrə keçirilib 9 turdan ibarət olan yarışın qalib və mükafatçıları sentyabrın 30-da müəyyənləşəcək. Dünən rəqiblər üçüncü turun görüşlərində qarşılaşmışlar.

Oqtay BAYRAMOV, “Xalq qəzeti”