Sentyabrın 20-dən oktyabrın 4-dək Rusiyanın Xantı-Mansiysk şəhərində keçiriləcək 39-cu Ümumdünya Şahmat Olimpiadası yaxınlaşdıqca yarışda iştirak edəcək ölkələrin şahmat federasiyaları öz komandalarının heyətini açıqlamağa başlamışlar.
Rusiya saytlarının yaydığı xəbərə görə, bu ölkə Olimpiadanın təşkilatçısı kimi iki heyətlə mübarizə aparacaqdır. Birinci komandaya Vladimir Kramnik, Aleksandr Qrişuk, Sergey Karyakin, Pyotr Svidler və Vladimir Malaxov daxildirlər. Komandanın kapitanı rolunda Yevgeni Bareyev çıxış edəcəkdir.
Ümumdünya Olimpiadasının medalları uğrunda mübarizədə sonuncu Avropa çempionatının qalibi Azərbaycan yığmasının əsas rəqiblərindən biri məhz Rusiya şahmatçıları olacaqlar.

Oqtay BAYRAMOV, "Xalq qəzeti"