Sabah Türkiyənin İzmir şəhərində bədii gimnastika üzrə dünya çempionatının medalları uğrunda mübarizəyə start veriləcək. Azərbaycan milli komandasının üzvləri çempiontda layiqincə çıxış etmək, son illər mötəbər beynəlxalq yarışlarda qazandıqları uğurları bir qədər də artırmaq əzmindədirlər.

Dünya çempionatının fərdi yarışlarında gimnastlarımız Marina Durunda, Gülsüm Şəfizadə və Nilufər Niftəliyevadan ibarət heyətlə çıxış edəcəklər.

Qrup hərəkətləri komandalarının turnirində isə Azərbaycan  yığması Siana Vasileva, Səbinə Abbasova, Diana Doman, Aliyə Paşayeva, Aynur Mustafayeva və Aleksandra Platonova ilə təmsil olunacaq.

Oqtay BAYRAMOV,

“Xalq qəzeti”