Türkiyənin Rizə vilayətinin Ardeşen rayonunda üçüncü Beynəlxalq Ardeşen Offroad yarışları başa çatıb.

Azərbaycan Avtomobil Federasiyasından AzərTAc-a bildiriblər ki, federasiyanın dəstəyi ilə bu yarışda təmsil  olunan Offroad milli komandamız – pilot Azər Abıyev və şturman Vaxtanq Sakhokia S2 kateqoriyasında birinci yeri, ümumi kateqoriya yarışlarda isə ikinci yeri tutub.

Xatırladaq ki, avqustun 30-31-də keçirilən üçüncü Beynəlxalq Ardeşen Offroad yarışlarında Azərbaycan, Türkiyə, Gürcüstan, İran və Ermənistandan 100-dək idmançı iştirak edib.