Birləşmiş Ərəb Əmirliklərinin Əbu-Dabi şəhərində keçirilən ənənəvi beynəlxalq şahmat turnirində yolun yarısı arxada qalmışdır. Yüz nəfərə qədər rəqib, o cümlədən 39 qrossmeyster doqquz turdan ibarət yarışın ilk beş turunun görüşlərini oynayıb, bir günlük istirahətə çıxmışlar.

Xəbər verdiyimiz kimi, turnirin iştirakçıları arasında Azərbaycanın beş təmsilçisi Nicat Abbasov, Ülvi Bacarani, Vüqar Rəsulov, Abdulla Qədimbəyli və Aydan Höcətova da vardır. Hələlik onlar arasında ən yaxşı nəticəni hərəyə 3,5 xal toplayan Abbasov və Bacarani göstərmişlər. Şahmatçılarımız rusiyalı lider Sergey Volkovdan 1,4 xalla ikinci-doqquzuncu yerləri bölüşdürən qrossmeysterlərdən isə yarım xal geri qalırlar.

Dünən turnirdə istirahət günü idi. Bu günə təyin edilmiş altıncı turda Abbasov erməni Arman Paşikyanla, Bacarani isə moldovalı Viorel İordaçesku ilə görüşəcəklər.

Oqtay BAYRAMOV,

“Xalq qəzeti”