İki həftədən sonra Rusiyanın Xantı-Mansiysk şəhərində başlanacaq 39-cu Ümumdünya Şahmat Olimpiadası iştirakçıların sayına görə bütün əvvəlki belə yarışları geridə qoyub rekordçu olimpiada olacaq. Onun medalları uğrunda 158 ölkəni, o cümlədən Azərbaycanı təmsil edən 1376 şahmatçının mübarizə aparacağı gözlənilir.
Olimpiadada başlıca yenilik isə superkompyuter olacaq. Kompyuter ən maraqlı 20 görüşü seçib onları onlayn rejimində üç dildə şərh edəcəkdir.
Xantı-Mansiyskdə Ümumdünya Şahmat Olimpiadasının açılış mərasimi sentyabrın 20-nə təyin edilmişdir. On bir turdan ibarət bu yarışda birinci "raundun" görüşləri sentyabrın 21-də keçiriləcəkdir.

O. BAYRAMOV, "Xalq qəzeti"