Dünən Birləşmiş Ərəb Əmirliklərinin Əbu-Dabi şəhərində şahmat üzrə 21-ci beynəlxalq ustalar turnirinə start verilmişdir. Bu ənənəvi yarışın mükafatları uğrunda 100-ə qədər rəqib, o cümlədən 39 qrossmeyster mübarizə aparır.

Turnirdə Azərbaycan şahmat məktəbinin beş yetirməsi Nicat Abbasov, Vüqar Rəsulov, Ülvi Bacarani, Abdulla Qədimbəyli və Aydan Höcətova da çıxış edirlər.

Reytinqə görə iştirakçıların siyahısına çinli qrossmeyster Van Hao başçılıq edir. İsveçrə sistemi üzrə keçirilib doqquz turdan ibarət olan turinirə avqustun 29-da yekun vurulacaqdır.

Oqtay BAYRAMOV,

“Xalq qəzeti”