Azərbaycan çempionu – Ağdamın “Qarabağ” komandası dünən UEFA Çempionlar Liqası turnirinin ikinci təsnifat mərhələsi çərçivəsində Maltanın “Valletta” klubu ilə cavab görüşü keçirdi və oyundan sonra meydanı Tofiq Bəhramov adına Respublika stadionunun tribunalarına toplaşan pərəstişkarlarının alqışları altında tərk etdi.

Bir həftə əvvəl səfərdə bu rəqibi 1:0 hesabı ilə məğlubiyyətə uğradan Qurban Qurbanovun yetirmələri “doğma divarlar” arasında daha güclü oyun nümayiş etdirib, qonaqların qapısından dörd cavabsız top keçirdilər - 4:0.

İkinci təsnifat mərhələsində “Valletta” səddini iki qələbə ilə keçən “Qarabağ”  qitə klub futbolunun bir nömrəli yarışının üçüncü mərhələsində Avstriyanın “Red Bull” komandası ilə qarşılaşacaq.

Oqtay BAYRAMOV, “Xalq qəzeti”