Sabah Bakının “Neftçi” və “İnter” komandaları UEFA Avropa Liqası turnirinin ikinci təsnifat mərhələsi çərçivəsində ilk oyunlarını keçirəcəklər.

“Neftçi” meydan sahibi rolunda çıxış edəcək və Sloveniyanın “Koper” klubuna qalib gəlməyə çalışacaq. Saat 20-də başlanacaq bu oyunun hakimliyi Belarus Futbol Federasiyasının nümayəndəsi Denis Şerbakova həvalə olunmuşdur.

Birinci təsnifat mərhələsində Moldovanın Tiraspol  şəhərinin eyniadlı klubunu hər iki oyunda məğlubiyyətə uğratmış “İnter” isə bu dəfə İsveçdə “Elfsborq” komandasının qonağı olacaq. Görüşü italiyalı hakim Davide Massa idarə edəcəkdir. Hər iki cütlükdə cavab matçları iyulun 24-də oynanılacaq.

Oqtay BAYRAMOV,

“Xalq qəzeti”