Bakının “İnter” komandası UEFA Avropa Liqası turnirinin ikinci təsnifat mərhələsində çıxışlarını davam etdirəcəkdir. Bu, dünən axşam paytaxtımızda Moldovanın Tiraspol şəhərinin eyniadlı klubu ilə birinci təsnifat mərhələsinin cavab görüşündən sonra məlum oldu.

Bir həftə əvvəl rəqib meydanında 3:2 hesabı ilə qələbə qazanan Azərbaycan futbolçuları “Tiraspol”a Bakıda da qalib gəldilər - 3:1.

İkinci təsnifat mərhələsində bakılıların rəqibi İsveçin “Elfsborq” klubu olacaq. “İnter” ilk görüşü iyulun 17-də səfərdə, cavab matçını isə bundan bir həftə sonra Bakıda keçirəcəkdir.

Oqtay BAYRAMOV, “Xalq qəzeti”