Beynəlxalq Futbol Federasiyasının (FİFA) hakimlər komitəsi Braziliyada finişə yaxınlaşmaqda olan dünya çempionatında Hollandiya və Argentina komandalarının bu günə təyin edilmiş yarımfinal görüşündə hakimliyi türkiyəli Cüneyt Çakıra həvalə etmişdir.

    Bu, 37 yaşlı hakimin iyirminci dünya çempionatında idarə edəcəyi üçüncü oyun olacaq. Çakır qrup mərhələsində iki görüşdə hakimlik etmişdir. Həmin oyunların hər ikisində heç-heçə qeydə alınmışdır. Braziliya-Meksika matçında qapılara top vurulmamış (0:0), Rusiya və Əlcəzair komandalarının görüşü isə 1:1 hesabı ilə başa çatmışdır.

Oqtay BAYRAMOV,

“Xalq qəzeti”