Cari ilin 5-8 avqust tarixlərində ABŞ-ın Miçiqan Ştatının Bətl Qrik şəhərində keçirilən Hap Ki Do üzrə 8-ci Dünya Çempionatında ölkəmizi 10-cu dan qara kəmər ustası Məmmədli Süleyman Bağır oğlu, 4-cü dan qara kəmər ustası, Azərbaycan Respublikasinin Hap Ki Do üzrə idman ustası, Avropa Cempionu Məmmədli Orxan Bayram oğlu , 3-cü dan qara kəmər ustası Xəlilov Eldəniz Tağı oğlu və 2-ci dan qara kəmər ustası Mustafayev Arif Abbas oğlu bu mötəbər yarışda layiqincə təmsil etmişlər.
Sərbəst döyüşlərdə Dövlət Sərhəd Xidmətində həqiqi hərbi xidmətdə olan leytenant Məmədli Orxan 65 kq çəki dərəcəsində, Xəlilov Eldəniz 74 kq çəki dərəcəsində bütün rəqiblərinə qalib gələrək fəxri kürsünün ən yüksək pilləsi olan 1-ci yeri tutaraq qızıl medal qazanmaqla dünya çempionu olmuşlar. Mustafayev Arif mütləq ağır çəki dərəcəsində finalda rəqibinə uduzaraq 2-ci yeri tutmuş və gümüş medal qazanmışdır.
Fiziki və texniki sındırma üzrə Məmmədli Süleyman gümüş medallarla kifayətlənmişdir O, eyni zamanda Beynəlxalq Hap Ki Do Federasiyasının işində fəal iştirak etdiyinə və çempionatın keçirilməsində öz dəyərli məsləhətlərini verdiyinə görə Federasiyanın qızıl medalı ilə təltif olunmuşdur.
Üç ildən bir keçirilən və otuzdan artıq peşəkar idmançıdan ibarət olan komandaların iştirak etdikləri bu mötəbər yarışda ölkəmizi layiqincə təmsil etmiş bütün idmançılarımızı ürəkdən təbrik edir və inanırıq ki, onlar gələcəkdə də bu uğurlu nailiyyətlərini öz parlaq qələbələri ilə davam etdirəcəklər.

Bayram MƏMMƏDOV, Azərbaycan Respublikasının Hap Ki Do Federasiyasının vitse prezidenti, Azərbaycan Jurnalistlər Birliyinin üzvü