Borçalı sakini olan və Ginnesin Rekordlar Kitabına düşən “maqnit adam” təxəllüsü ilə tanınan

Etibar Budaqlı dekabrın 28-də Tiflisdə 6 dünya

rekordu qazanmışdır.

APA -nın Gürcüstan bürosunun məlumatına görə, E. Budaqlı öncə 52 qaşığı sinəsinə düzərək 6 dəqiqə 15 saniyə saxlamışdır. Sonra o, sinəsinə yapışdırdığı 10 sinini 1 dəqiqə 15 saniyə saxladığını nümayiş etdirmiş və sonra üzərində 84 kq yüklə 25 saniyə qaçmışdır.

 Bundan sonra E. Budaqlının sinəsinə yapışdırılan dəmirin üstünə 15 kirəmit kərpic qoyulmuş və çəkiclə zərbə vurularaq qırılmışdır. “Maqnit adam” həmin gün bədəni ilə 147 kq yükü 30 saniyə saxlamışdır. O, sonuncu rekordunda maqnitin gücü ilə saxladığı 19 kq dəmirin üstündə oturan və 55 kq çəkidə olan gənci sinəsində saxlamış  və kəndirlə 1540 kiloqramlıq “Mercedes” markalı avtomobili 10 metr dartmışdır.Tədbirdə E. Budaqlıya diplomlar və mükafatlar təqdim olunmuşdur.

“Maqnit adam”ın bir gündə əldə etdiyi bu rekordları dünyanın bir çox telekanalları, o cümlədən Azərbaycan televiziyaları və media nümayəndələri işıqlandırmışlar.