Azərbaycan təmsilçisi Gülnar Məmmədova Polşada keçirilən 20 yaşınadək şahmatçılar arasında dünya birinciliyində ardıcıl üçüncü qələbəsini qazanmışdır. Bu dəfə həmvətənimiz perulu rəqibini məğlubiyyətə uğratmışdır.
Üçüncü tur Xəyalə Abdulla üçün də uğurlu olmuşdur. O, gürcüstanlı Sopiko Quramişviliyə qalib gəlmişdir.
Üç turdan sonra doqquz iştirakçı, o cümlədən əlavə göstəricələrə görə turnir cədvəlində ikinci mövqedə olan Gülnar Məmmədova maksimum nəticə göstərmiş, hərəyə 3 xal toplamışdır.
Oğlanların çempionatında isə dörd şahmatçımız arasında hələlik ən yaxşı nəticəyə üç görüşdə 2 xal qazanan Ülvi Bacarani malikdir.

O. BAYRAMOV, "Xalq qəzeti"