Hindistanın Çennai şəhərində hazırkı dünya çempionu Vişvanatan Anand (Hindistan) ilə Maqnus Karlsen (Norveç) arasında keçirilən dünya şahmat tacı uğrunda matçda səkkiz görüş artıq arxada qalmışdır.  Bu oyunlardan altısında heç-heçə qeydə alınmış, ikisində isə Karlsen qələbə qazanmışdır.  Hələlik hesab norveçli qrossmeysterin xeyrinə 5:3-dür.  Bu gün keçiriləcək doqquzuncu görüşdə ağlarla Anand oynayacaq.

Xatırladaq ki, matç 12 oyundan ibarətdir.  Hesabdan  göründüyü kimi, Karlsen Hindistandan öz vətəninə dünya çempionu kimi qayıtmaq məqsədinə çox yaxındır. Bunun üçün onun qalan dörd görüşdə 1,5 xal toplaması kifayətdir. Əgər 12 görüşün hamısı oynanılsa və  matçda hesab 6:6 olsa dünya çempionunu tay-breyklər müəyyənləşdirəcək.

Oqtay BAYRAMOV,

 “Xalq qəzeti”